Það sakna þess margir að ferðast. Það sem minnir kannski mest á ferðalög núna er kósígallinn, að minnsta kosti ef fólk er með sama ferðastíl og Hailey Bieber. Fyrirsætunni finnst gott að fljúga og fara í langar ferðir í allt of stórum jogginggalla.
„Þetta er akkúrat eitthvað sem ég væri til í að fljúga í eða vera í í löngu ferðalagi,“ sagði frú Bieber um kósígallann sinni þegar hún opnaði fataskáp sinn á vef Vogue.
Frú Bieber er að sjálfsögðu að hugsa um þægindin en þó ekki síður útlitið þegar hún klæðist fötunum. Við jogginggallann klæðist hún Nike-strigaskóm og passar að setja sokkana yfir buxurnar.
Til að fullkomna útlitið klæðist hún stórum jakka í herrasniði.
Í spilaranum hér fyrir neðan má sjá frú Bieber setja saman föt.