Kennt að smíða byssur úr Lego-kubbum

lego.dk

Fyrrum yfirhönnuður Lego í Danmörku, Ulrik Pilegaard, hefur nú gefið út bókina „Forbidden Lego: Build the Models Your Parents Warned You Against" sem hefur slegið í gegn erlendis, enda á ferðinni uppskriftabók upprennandi prakkara. Í bókinni er að finna teikningar að lásbogum, byssum og ýmsum öðrum tólum og tækjum sem Lego fyrirtækið vildi ekki selja undir sínu nafni.

„Þegar ég vann hjá Lego átti ég það til öðru hverju, að búa til flotta hluti sem yfirmenn mínir vildu ekki samþykkja," sagði Ulrik við Kaupmannahafnarpóstinn. Ulrik viðurkennir að bókin sé kannski frekar miðuð að eldri kynslóðinni, þar sem háhraðaflugskeyti og háspennurafmagnsbílar séu ekki barnameðfæri, þó svo „leikföngin" séu úr Lego sem hingað til hefur þótt uppbyggjandi og tiltölulega öruggt leikfang.

Að sögn Baldurs Helgasonar hjá Máli & menningu er bókin ekki fáanleg hjá þeim. „En ef hún er jafn vinsæl og af er látið þá mun hún mjög líklega verða pöntuð til okkar og komin í sölu fyrir jólin."

mbl.is

Bloggað um fréttina

Stjörnuspá »

Hrútur

Sign icon Reyndu að halda aftur af þér í innkaupum í dag, þótt ómótstæðilegur hlutur verði á vegi þínum. Sumir kasta steinum úr glerhúsi.

Stjörnuspá »

Hrútur

Sign icon Reyndu að halda aftur af þér í innkaupum í dag, þótt ómótstæðilegur hlutur verði á vegi þínum. Sumir kasta steinum úr glerhúsi.