Little Trip í gjaldþrot

Sigurjón Sighvatsson framleiddi A Little Trip to Heaven ásamt leikstjóranum ...
Sigurjón Sighvatsson framleiddi A Little Trip to Heaven ásamt leikstjóranum Baltasar Kormáki mbl.is/Þorkell
Lokið er skiptum á þrotabúi Little Trip ehf., áður Ferðar ehf., Skálholtsstíg 7 í Reykjavík.

Lýstar kröfur í búið námu alls rúmum 388 milljónum króna. Engar eignir fundust í búinu, að því er fram kemur í tilkynningu skiptastjórans, Helga Jóhannessonar hrl.

Kaupþing banki hf. átti langhæstu kröfuna í búið eða veðkröfu upp á rúma 341 milljón. Aðrir stórir kröfuhafar voru Sögn ehf. með kröfu að fjárhæð 31 milljón og SPRON með kröfu að upphæð 12,5 milljónir króna. Aðrir kröfuhafar voru Deloitte ehf., Tollstjórinn í Reykjavík og Hafnarbakki-Flutningatækni ehf.

Little Trip ehf. var stofnað til þess að framleiða kvikmynd Baltasars Kormáks, A little trip to Heaven. Myndin skartaði alþjóðlegum stjörnum í aðalhlutverkum, m.a. Óskarsverðlaunahafanum Forest Whitaker og Júlíu Stiles.

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Bloggað um fréttina