Skálmöld taka upp Börn Loka

Morgunblaðið/Ómar

Upptökur á annarri plötu Skálmaldar, Börnum Loka, hófust í dag, föstudaginn 13. og er útgáfa áætluð í haust. 

Efni af nýju plötunni hefur þegar hljómað á tónleikum undanfarið en haldið verður upp á upptökulok með stórtónleikum á Nasa daginn fyrir uppstigningardag, þann 16. maí næstkomandi.

Upptökustjóri Skálmaldar er sem fyrr Axel „Flex“ Árnason og er áhugasömum bent á að fylgjast með upptökuferlinu á Facebooksetri sveitarinnar.

mbl.is