Sögðu rauða hárið til trafala

Ofurbomban Christina Hendricks segir að starfsmenn umboðsskrifstofu hennar hafi  gagnrýnt hana í fyrstu, eftir að hún litaði ljósa lokka sína rauða fyrir ákveðna myndatöku í upphafi ferilsins. Segist hún hins vegar fljótlega hafa ákveðið að halda hárlitnum enda hrönnuðust verkefnin inn hjá henni.

„Eftir að ég litaði mig rauða mátti ég ekki lita hárið aftur í tvo daga en þurfti engu að síður í prufur [fyrir myndatökur],“ sagði Mad Men-leikkonan í samtali við vefsíðuna Femalefirst  á dögunum. Segist hún fljótlega hafa áttað sig á að rauðu lokkarnir virkuðu vel en á þessum tveimur dögum fékk hún strax þrjú verkefni.

Þakkar hún rauða hárinu einnig frama sinn í Hollywood, m.a. hlutverkið í Mad Men og í kvikmyndinni Drive frá 2011.

„Ég held að það [rauðu lokkarnir] skeri mann úr. Fólk man frekar eftir manni þar sem margir eru um hituna. Þetta hjálpar,“ bætti hún við létt í bragði.

• 1 blogg um fréttina

Bloggað um fréttina

• Ómar Ragnarsson: Það var misgott að hafa eldrautt hár.