Raunveruleikastjarnan og snyrtivöruframleiðandinn Kylie Jenner eignaðist stúlkuna Stormi í byrjun febrúar með kærasta sínum, rapparanum Travis Scott. Fyrrverandi kærasti Jenner er nú sagður vilja fara fram á faðernispróf.
Jenner og rapparinn Tyga áttu í stormasömu sambandi í nokkur ár en Tyga er jafnframt barnsfaðir barnsmóður bróður Jenner, Rob Kardashian. „Tyga vill DNA-próf þar sem hann virkilega heldur að það sé möguleiki á því að barnið sé hans,“ sagði heimildamaður Radar Online.
Jenner og Tyga hættu saman í apríl í fyrra en eiga að hafa stundað kynlíf á þeim tíma sem barnið var mögulega getið. Tyga sagði á Snapchat í september í fyrra að barnið væri hans en tók það seinna til baka.