Á laugardaginn hittu leikarinn Orlando Bloom og söngkonan Katy Perry páfann saman í Vatíkaninu og skoðuðu sig um í Róm. Parið virðast hafa endurnýjað kynni sín að undaförnu en fyrir rúmu ári síðan greindu þau frá sambandsslitum sínum, eftir aðeins eins ár samband.
Heimildamaður People segir þau vera saman og segir sambandið vera alvarlegra en áður, þau séu ekki að hitta aðra. „Þau eru bæði spennt fyrir þessu og vilja ekki fela það en á sama tíma eru þau að reyna að halda einkalífinu fyrir sig,“ sagði heimildamaðurinn.
Perry og Bloom hafa verið dugleg að eyða tíma saman á þessu ári eftir að hafa hætt saman meðal annars vegna þess að þau höfðu ekki tíma fyrir hvort annað. Í byrjun árs fóru þau í frí saman til Maldíveyja og tveimur mánuðum seinna sáust þau spóka sig um í Prag.