Margot Kidder úr Súperman látin

Margot Kidder, sem sló í gegn í hlutverki sínu sem Lois Lane í kvikmyndunum um Súperman, lést á heimili sínu á sunnudaginn, 69 ára gömul.

Í tilkynningu kemur ekkert fram um dánarmein hennar, að því er segir í frétt New York Times. 

Kidder var vinsæl á áttunda og níunda áratugnum og lék í myndum á móti Robert Redford og Richard Pryor, auk þess að leika á móti Christopher Reeve í fjórum fyrstu Súperman-myndunum.

• Blogga um frétt