Leikkonan Sarah Paulson prýðir forsíðu júníútgáfu Modern Luxury. People greinir frá því að Taylor tjái sig um samband sitt við kærustu sína í forsíðuviðtalinu. Paulson er í sambandi með leikkonunni og handritshöfundinum Holland Taylor, en Taylor er 32 árum eldri en Paulson.
„Ef einhverjir vilja eyða einhverjum tíma í að hugsa að ég sé skrítin að elska undursamlegustu manneskjuna á plánetunni, þá er það þeirra vandamál,“ segir Paulson í viðtalinu. „Ég hef það fínt.“
Paulson sem er 43 og Taylor sem er 75 ára hafa verið saman síðan árið 2015. Þær hittust fyrst fyrir um tíu árum en þá var Paulson í öðru sambandi svo ástin beið í nokkur ár eða þangað til að þær ákváðu að fara út að borða saman.
Paulson sló í gegn í hlutverki saksóknarans Marciu Clark í The People v. O. J. Simpson: American Crime Story. Nú leikur hún í nýjustu Ocean's-myndinni, Ocean's 8, en myndin skartar stórum hópi kvenstjarna í aðalhlutverkum.