Fékk leyfi fyrir innblæstrinum

Tónlistarkonan Ariana Grande gaf nýverið út tónlistarmyndbandið „God Is A Woman“. Skot úr myndbandinu líkist mjög svo auglýsingu tískurisans Jean Paul Gaultier og var bent á það á vinsæla Instagram aðganginum diet_prada. Diet_prada er Instagram-síða sem bendir á hugverkastuld í tískuheiminum og hefur fengið mikla athygli. Talsmenn Grande hafa svarað fyrir hana og segja hana hafa fengið leyfi fyrir innblæstrinum.

Á efri myndinni má skjá auglýsingu Jean Paul Gaultier. Neðri myndin er svo skjáskot úr myndbandi Grande. skjáskot/Instagram/@diet_prada

Mikið hefur verið rætt síðustu mánuði um hvenær innblástur er innblástur og hvenær það er stuldur á hugverkum. Listamenn virðast því vera komnir á þann stað að þurfa fá leyfi fyrir innblæstri. 

Frétt af mbl.is

Dómurinn gæti haft áhrif

Tónlistarmyndband Grande hefur fengið mikla athygli frá því það kom út og eru meðal annars sögusagnir á kreiki um að snyrtivöruframleiðandinn LUSH ætli að framleiða baðbombu tileinkaða myndbandinu. Þá hafa aðdáendur og greinendur bent á að allt myndbandið sé innblásið af aldagömlum málverkum og goðafræði. Einn aðdáandi bendir á að bæði verkin séu innblásin af sögu goðsagnaveranna Rómúlus og Remus. Bræðurnir Rómúlus og Remus eru sagðir forfeður Rómar og getnir af stríðsguðinum Mars. 

Á vísindavefnum segir um Rómúlus og Remus: "Rómúlus og Remus voru synir Rheu Silvíu, dóttur Númitors sem var konungur í borginni Alba Longa. Rómúlus og Remus voru látnir í körfu sem sett var á flot í ánni Tíber. Tvíburarnir björguðust aftur á móti því körfunni skolaði á land. Þeir nærðust síðan á mjólk úlfynju, ásamt því að fá mat hjá spætu nokkurri." WikiCommons/Jean-Pol GRANDMONT

• Blogga um frétt