Raunveruleikaþáttastjarnan Khloé Kardashian hugsar um að fara í lýtaaðgerð á hverjum degi. Khloé birti nýverið mynd á Instagram þar sem nefið á henni virðist minna en vanalega. Aðdáandi hennar benti á það og spurði hvort hún hefði farið í aðgerð. Khloé svaraði og sagði að það væri eitthvað sem hún hugsaði um daglega, en að hún væri hrædd við að fara í aðgerð.
Í annarri athugasemd segir hún að þetta sé bara förðunin sem láti nefið líta út fyrir að vera minna, á meðan hún var ólétt hafi nefið á henni stækkað og hún sé að bíða eftir að það gangi til baka. Hún hefur áður tjáð sig um lýtaaðgerðir en í viðtali við Cosmopolitan sagði hún að hún hefði fundið fyrir þrýstingi til að láta breyta nefinu á sér.