Tónlistarkonan Ariana Grande var með óvænta uppákomu á MTV VMA-verðlaunahátíðinni í nótt. Áður en hún flutti lag sitt, „God Is A Woman“ eða „Guð er kona“ bað hún mömmu sína, ömmu sína, langömmu og frænku að koma á sviðið.
„God Is A Woman“ er af nýrri plötu Grande, „Sweetener“ sem kom út fyrir nokkrum dögum. Myndbandið við lagið kom út fyrr í sumar og vakti mikla athygli. Grande fékk leyfi til að endurgera auglýsingu Jean Paul Gaultier. Í myndbandinu sækir Grande einnig innblástur í sögu goðsagnaveranna Rómulus og Remus, sem sagðir eru vera forfeður Rómaborgar á Ítalíu.