Kona í Virginiu-ríki í Bandaríkjunum fann tvíhöfða snák í bakgarðinum hjá sér en snákurinn er norður-amerískur eitursnákur. Konunni leist ekki á blikuna og birti mynd af snáknum á Facebook og spurði hverjar væru líkurnar á að finna snák sem þennan.
ABC7 greindi frá því að skriðdýrafræðingurinn J.D. Kleopfer hefði upplýst að tvíhöfða snákar væru ekki algengir. Ástæðan er sú að þeir lifa ekki svo lengi, það er hreinlega of krefjandi að vera með tvö höfuð.