Forsetinn vissi ekki við hvað Kim starfaði
Setja bókamerki
Raunveruleikastjarnan Kim Kardashian og rapparinn Kanye West hafa verið á ferðalagi um Úganda. Kardashian er af mörgum talin frægasta kona í heimi en sú frægð nær ekki í forsetahöllina í Úganda og spurði forsetinn Kardashian við hvað hún starfaði.
Hjónin hittu Yoweri K. Museveni á mánudaginn og þegar hann spurði af hverju hún þyrfti að fara fyrr svaraði hún því að hún þyrfti að fara í vinnuna. Heimildamaður People segir að forsetinn hafi þá spurt við hvað hún starfaði og var Kardashian ekkert nema kurteisin uppmáluð og svaraði á þá leið að hún væri með sjónvarpsþátt með systrum sínum og fjölskyldu.
Forseti Úganda er örugglega ekki sá eini sem veit ekki við hvað Kardashian starfar. Var svar hennar líklega einföldun á því sem hún gerir enda ekki alltaf hægt að greina hvað svokallaðir áhrifavaldar gera.
Hjónin komu færandi hendi og gáfu forsetanum Yeezy-strigaskó en hjónin árituðu strigaskóna. Forsetinn var ekki sá eini sem fékk strigaskó en Kardashian birti myndskeið á Instagram af þeim hjónum gefa krökkum á munaðarleysingjahæli hvíta Yeezy-strigaskó við mikla gleði krakkanna.
Allar líkur á að Seðlabankinn lækki næst vexti
Tók barn upp úr innkaupakerru móður
Eldgosinu lokið en getum búist við öðru
Skuldahalinn lengist í Reykjavík
Hvernig er vitað að þessi kona átti þetta barn?
Var sofandi þegar slökkvilið bar að garði
