Brooklyn Beckham, elsti sonur David og Victoriu Beckham, er kominn með nýja kærustu. Beckham-sonurinn sást skemmta sér með fyrirsætunni Hönu Cross eftir bresku tískuverðlaunin í gær, mánudag, en þangað mætti hann ásamt foreldrum sínum.
Brooklyn Beckham og fyrirsætan Cross eru í frétt Daily Mail sögð hafa verið óaðskiljanleg síðustu tvo mánuð, nú hafi það hins vegar loksins fengist staðfest. Þau skemmtu sér saman og litu út eins og ástfangið kærustupar bæði á myndbandi sem Cross birti á Instagram og á myndum sem voru teknar af þeim.
Þetta er ekki í fyrsta skipti sem ástarmál Brooklyn Beckham komast í fréttir þrátt fyrir að hann sé aðeins 19 ára. Hann var til að mynda lengi með leikkonunni Chloë Grace Moretz sem er einnig komin með nýja konu upp á arminn eins og greint var frá í síðustu viku.
View this post on InstagramA post shared by Celebstfi (@tficelebrities) on Dec 11, 2018 at 3:08am PST