Nokkur ár á teikniborðinu

„Þessi bók er afrakstur margra ára vinnu og ég hafði það að leiðarljósi að geta hjálpað öllum kylfingum að bæta sinn leik. Ég reyni að hafa þetta einfalt, enda er það best og árangursríkast,“ segir Nökkvi Gunnarsson, einn fremsti golfkennari landsins sem gaf út bókina GæðaGolf á dögunum. Áður hafði hann þýtt bókina „Bættu boltaflugið“ árið 2011, en að þessu sinni langaði hann að búa til bók frá grunni, eftir sínu höfði. 

Bókin er hugsuð sem uppflettirit, en honum fannst kominn tími á aðra íslenska golfbók fyrir almenn kylfing á öllum getustigum.  „Í upphafi hvers kafla er ég svo með svona tölfræðimola sem gefur kylfingum upplýsingar um hvaða væntingar sé eðlilegt að gera kröfu um, svona miðað við getu hvers og eins.“   

Hér koma nokkrar myndir úr útgáfuteitinu sem haldið var í Risinu, inniaðstöðu Nesklúbbsins, þar sem gestirnir gátu um leið æft golf sveifluna.