Enn og aftur hætt saman

Fyrirsætan Gigi Hadid og tónlistarmaðurinn Zayn Malik hættu saman og byrjuðu svo aftur saman árið 2018. Þau byrjuðu hins vegar ekki árið 2019 sem par en stjörnuparið er sagt hafa hætt enn og aftur saman í byrjun nóvember. 

Samkvæmt heimildum E! hefur verið mikið að gera hjá parinu svo þau hafa ekki haft tíma fyrir hvort annað í um tvo mánuði. Hinn 25 ára gamli Zayn hefur verið að taka upp nýja tónlist að undanförnu og er sagður vera að fara að gefa út nýja plötu. Hin 23 ára Hadid sem er ein vinsælasta fyrirsæta heims er sögð hafa verið að einbeita sér að sjálfri sér að undanförnu. 

Frétt af mbl.is

Malik og Hadid - Sagan endalausa

Parið gaf út yfirlýsingu í mars í fyrra þar sem þau tilkynntu um sambandsslit sín en þá höfðu þau verið saman í tvö ár. Þau byrjuðu hins vegar aftur saman þegar voraði. 

• Blogga um frétt