Pitt lét sig ekki vanta í afmæli Aniston
Setja bókamerki
Brad Pitt lét sig ekki vanta þegar leikkonan og fyrrverand eiginkona hans, Jennifer Aniston, fagnaði fimmtugsafmæli sínu á laugardagskvöldið í Los Angeles. Fyrrverandi hjónin láta sjaldan sjá sig saman en Aniston bauð þó Pitt í afmælið samkvæmt People.
„Brad var lengi mjög mikilvægur í lífi Jen. Hún ræddi það fram og til baka við vini hvort hún ætti að bjóða honum,“ segir heimildarmaður. „Hún var mjög glöð með að hann mætti. Margir nánir vinir hans voru líka í partýinu.“
Þótt Pitt hafi mætt fékk hann ekki meiri athygli frá afmælisbarninu en aðrir gestir. Heimildarmaðurinn segir þau hafa faðmað hvort annað og spjallað aðeins en annars var Aniston upptekin við að skemmta gestum sínum.
Brad Pitt var ekki eina stjarnan sem mætti í afmælið en fyrrverandi unnusta hans, leikkonan Gwyneth Paltrow, lét einnig sjá sig sem og fyrrverandi kærasti Aniston, tónlistarmaðurinn John Mayer. Katy Perry og Orlondo Bloom mættu sem og George og Amal Clooney, Reese Witherspoon, Robert Downey Jr., Ellen DeGeneres, Barbra Streisand, Keith Richards, Kate Hudson, Laura Dern og Demi Moore létu sig ekki vanta. Að sjálfsögðu mættu líka Friends-stjörnurnar Lisa Kudrow og Courtney Cox.
Magnús Tumi: Gýs líklega á næstu dögum
Merkilegt hve lengi gosið hélt dampi
Vannýtt alþjóðleg tækifæri í heilbrigðiskerfinu
Þrefalt stærra en gosin í desember og janúar
Var sofandi þegar slökkvilið bar að garði
Hvernig er vitað að þessi kona átti þetta barn?