Öryggisvörður í byggingunni sem leikarahjónin fyrrverandi Amber Heard og Johnny Depp bjuggu í þegar þau voru gift greindi frá því undir eið að milljarðamæringurinn Elon Musk hefði heimsótt Heard þegar Depp var við tökur á kvikmynd.
The Blast greinir frá því að öryggisvörðurinn Alex Romero hafi viðurkennt að hafa hleypt Musk inn til Heard þegar Depp var ekki heima. Segir hann Musk hafa komið nokkrum sinnum í viku um klukkan ellefu á kvöldin eða um miðnætti. Þegar hann fór heim klukkan eitt um nótt var Musk enn hjá Heard.
Segist öryggisvörðurinn jafnframt hafa rætt við Heard og sagt henni að það væri slæmt fyrir sig að hann sæi Musk fara inn til hennar þegar Johnny Depp væri ekki heima.
Johnny Depp segir að fyrrverandi eiginkona hans Amber Heard hafi haldið fram hjá honum með stofnanda Tesla, Elon Musk, aðeins einum mánuði eftir að þau Heard gengu í það heilaga. Þetta kemur fram í meiðyrðamáli Depp gegn Heard en hann fer fram á 50 milljónir Bandaríkjadala í skaðabætur.