Kom dóttur sinni inn í háskóla með svindli
Setja bókamerki
Desperate Housewives-stjarnan Felicity Huffman var látin laus í gær gegn tryggingu eftir hafa verið ákærð fyrir að taka þátt í svindli til þess að koma elstu dóttur sinni inn í fínan háskóla. Huffman var ein af 50 manns sem var ákærð í svindlinu er AFP greinir frá.
Líkt og hin aðþrengda Lynette Scavo gerir Huffman greinilega allt til þess hugsa vel um börn sín, meira að segja brjóta lög.
Huffman er sökuð um að hafa borgað 15 þúsund Bandaríkjadali svo elsta dóttir henna stæði sig betur á prófi. Huffman er gift Shameless-stjörnunni William Macey. Macey kom fram á pappírum en var ekki ákærður. Hjónin ákváðu að nýta sér ekki svindlþjónustuna í tilfelli næstelstu dóttur sinnar.
Skólarnir sem börnin komust inn í voru fínir og virtir háskólar á borð við Yale, Stanford, Georgetown og University of Southern California.
Ríkir foreldrar í Bandaríkjunum borguðu góðgerðarstofnun sem William Rick Singer fór fyrir samtals 25 milljónir Bandaríkjadala til þess að bæta einkunnir barna sinna með því að láta einhvern annan taka prófin eða breyta einkunnum þeirra.
Einnig var þjálfurum mútað til þess að koma börnum þeirra inn sem íþróttamönnum þrátt fyrir að vera ekki nógu góð í íþróttum. Siglingaþjálfari Stanford-háskólans eru sagður hafa tekið við 200 til 400 þúsund Bandaríkjadölum fyrir að taka við nemendum inn í íþróttaliðið.
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
Hvorki sést áður hér á landi né annars staðar
Skar höfuðleðrið af íslenskri konu
Handteknir eftir myndatöku í Vesturbæjarlaug
Kaldasti veturinn kom að óvörum
Gígbarmurinn hækkað frá því í gær