Hljómsveitin Hatari verður á meðal tónlistarmanna og hljómsveita sem koma fram á tónlistarhátíðinni Hróarskeldu í Danmörku í sumar. Frá þessu var greint á vef hátíðarinnar í dag en hátíðin fer fram dagana 29. júní til 7. júlí og mun Hatari stíga á svið miðvikudaginn 3. júlí. 

Hatara-menn verða þar í góðum félagsskap stórstjarna á borð við Bob Dylan, Vampire Weekend, The Cure, Robyn, Cardi B. og Travis Scott, svo einhverjir séu nefndir. Þá mun íslenski tónlistarmaðurinn Auður einnig koma fram á hátíðinni. 

Tónlistarmaðurinn Auður kemur fram á Hróarskeldu í sumar.

Það er hins vegar ýmislegt fram undan hjá Hatara áður en kemur að Hróarskeldu. Undirbúningur fyrir þátttöku í lokakeppni Eurovision er í fullum gangi, auk þess sem Hatari mun koma fram á Secret Soltice í Laugardalnum í júní, áður en þeir halda svo til Hróarskeldu. 

Frétt af mbl.is

Telja að Hatari geti unnið Eurovision

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt