Guðrún var gestur númer hundrað þúsund

Guðrún Guðmundsdóttir fékk viðurkenningu á laugardaginn var fyrir að vera hundrað þúsundasti gesturinn á sýninguna Elly í Borgarleikhúsinu. Sýningin á laugardaginn var númer 212 í röðinni en nú eru aðeins átta sýningar eftir því lokasýningin verður í lok leikársins, þann 15. júní.

Það var Katrín Halldóra Sigurðardóttir, sem hefur slegið í gegn í hlutverki Ellyjar Vilhjálms, sem tilkynnti þetta í lok sýningar á laugardaginn ásamt Ragnari Bjarnasyni sem tók lagið fyrir leikhúsgesti eftir að sýningu lauk. Einnig voru mættir höfundar verksins, Ólafur Egill Egilsson og Gísli Örn Garðarsson sem er einnig leikstjóri sýningarinnar.

Katrín Halldóra Sigurðardóttir og Ragnar Bjarnason hafa leikið saman í sýningunni og eru alls ekki orðin leið.

• Blogga um frétt