„Mér finnst þeir geggjaðir“
Jóhann Ólafsson
skrifar frá Tel Aviv
Setja bókamerki
„Þetta er mikill léttir,“ segir Ástralinn eldhressi, Kate Miller-Heidke, í samtali við mbl.is. Ástralía komst, líkt og Ísland, í úrslit Eurovision í gær. Miller-Heidke er á sama hóteli og Hatari hér í Tel Aviv og hún heldur vart vatni yfir aðdáun sinni á hljómsveitinni.
Miller-Heidke segir að nokkur frábær atriði hafi ekki komist áfram í gær og því hafi hún fundið fyrir létti og sé um leið mjög þakklát. Lagið „Zero Gravity“ þykir sífellt líklegra til sigurs hjá veðbönkum og er í þriðja sæti eins og sakir standa.
„Ég gleymi mér ekki að eltast við draumóra heldur reyni að einbeita mér að standa mig eins vel og ég get,“ segir Miller-Heidke þegar sigurlíkur hennar eru bornar undir hana.
En hvað gerist ef Ástralía vinnur Eurovision á laugardaginn, hvar verður keppnin þá á næsta ári?
„Keppnin yrði haldin einhvers staðar í Evrópu. Kannski París, Berlín eða jafnvel Reykjavík,“ segir Miller-Heidke og glottir.
Miller-Heidke og Klemens Hannigan sátu hlið við hlið á blaðamannafundi að loknum undanriðlinum í gærkvöldi og virtist ástralska söngkonan hafa gaman að Klemens. Hún segist vera mjög hrifin af Hatara:
„Mér finnst þeir geggjaðir [e. fucking awesome]. Ég elska þá. Þeir voru það besta við þennan blaðamannafund í gærkvöldi.“
Mikill útflutningur frá Vestfjörðum
Finnar og Svíar taka ekki á móti særðum frá Gasa
Tveir í haldi grunaðir um mansal og smygl á fólki
Glæpastarfsemi orðin mun skipulagðari
Vendingar vestanhafs geti haft áhrif hér heima
Eina leiðin var að fella björninn
Grænlendingar vildu ekki fá björninn til baka