Leið eins og fjalli við hliðina á Aniston og Cox

Leikkonan Lisa Kudrow segir að henni hafi liði eins og fjalli hliðan á samstarfskonum sínum Jennifer Aniston og Corteney Cox. Kudrow greindi frá þessu í hlaðvarpsþættinum „WTF“ með Marc Maron.

Hún segist hafa horft á þættina og hugsað með sér að hún væri fjall miðað við mótleikara sína. „Maður sér sjálfan sig í sjónvarpinu og hugsar „Guð minn góður, ég er bara fjall af stelpu.“ Ég er stærri en Corteney og Jennifer, stærri, mér finnst beinin mín stærri. Mér leið bara eins og fjalli af konu hliðina á þeim,“ sagði Kudrow.

Kudrow segir að sér hafi ekki alltaf liðið vel í eigin skinni og oft verið of létt. „Konur líta vel út þegar þær eru of grannar, því miður. Þegar ég var of grönn var ég alltaf veik. Kvef, kinnholubólga, ég var alltaf veik,“ sagði Kudrow.

Í dag reynir hún að vera sátt við líkama sinn. Hún segist þó stundum lenda í stríði við sjálfa sig um útlit sitt. 

• Blogga um frétt