Beckham mættur aftur til landsins

Fótboltakappinn David Beckham er mættur til landsins í veiði og hefur skrásett ferðina nokkuð ítarlega á Instagram. 

Beckham er í föruneyti með vini sínum og viðskiptamanninum Björgólfi Thor Björgólfssyni og breska leikstjóranum Guy Rithcie. Þeir virðast hafa eytt síðustu dögum vítt og breitt um landið og veitt bæði í ám og á sjó. 

Veðrið hefur leikið við þá félaga í ferðinni og virðist Beckham enn sem áður mjög hrifinn af íslenskri náttúru. Beckham kom hingað til lands í fyrrasumar, einnig í veiðiferð með félögum sínum Björgólfi og Ritchie. 

Í þetta skiptið voru þeir félagar að veiða í Haffjaraðará á Snæfellsnesi og virðast svo hafa skellt sér út á Breiðafjörðinn og gætt sér á fersku sjávarfangi um borð.