Tónlistarkonan Beyoncé Knowles mun eiga nýtt lag í endurgerð teiknimyndarinnar Lion King sem kemur í kvikmyndahús í sumar.
Disney gaf út lagalista kvikmyndarinnar um helgina og listanum má finna öll lögin úr upphaflegu teiknimyndinni. Þar að auki verður lag eftir Beyoncé, en tilkynnt verður um lagið þegar nær dregur frumsýningu. Endurgerð Lion King verður frumsýnd 19. júlí.
Beyoncé fer með hlutverk Nölu í endurgerðinni og syngur meðal annars lagið Can You Feel The Love Tonight ásamt Donald Glover sem fer með hlutverk Simba. Fyrir æsta aðdáendur teiknimyndarinnar má sjá nýjustu stikluna fyrir kvikmyndina hér fyrir neðan, og heyra má í Beyoncé og Glover syngja brot úr Can You Feel The Love Tonight.