Rihanna sendir Trump skilaboð

Tónlistarkonan Rihanna sendi forseta Bandaríkjanna skilaboð á Instagram á dögunum. Rihanna birti mynd af sér ásamt nokkrum fyrirsætum þar sem hún heldur á bol sem á stendur „Immigrant“ eða „Innflytjandi“. Undir myndinni merkti hún Donald Trump Bandaríkjaforseta.

Rihanna er innflytjandi í Bandaríkjunum, en hún er fædd og uppalin á Barbados-eyjum en flutti til Bandaríkjanna þegar tónlistarferill hennar fór af stað árið 2003. Í dag er hún ríkasta tónlistarkona heims. 

Í viðtali við The Cut sagði hún að hún væri innflytjandi hvar sem hún kemur fyrir utan Barbados-eyjar. „Ég held að fólk gleymi því oft. Ég held að það sjái Rihönnu-vörumerkið. En mér finnst það mikilvægt að fólk gleymi því ekki, ef það elskar mig, að allir hérna eru bara eins og ég. Milljón Rihönnur þarna úti, sem er komið fram við eins og rusl,“ sagði Rihanna.

• Blogga um frétt