Tónlistarmaðurinn Rod Stewart upplýsti á dögunum að hann hefði greinst með krabbamein í blöðruhálskirtli fyrir þremur árum. Í júlí fékk hann að vita að hann væri sloppinn ef svo má að orði komast en söngvarinn er orðinn 74 ára.
„Enginn veit þetta en mér fannst vera kominn tími til að ég segði öllum. Ég er kominn úr hættu, að svo stöddu, bara vegna þess að það það var gripið inn í snemma,“ sagði Stewart á góðgerðarsamkomu að því fram kemur á vef Mirror. Stewart þakkar einnig jákvæðu hugarfari bætta heilsu.
Stewart var greindur snemma en það var í reglubundinni skoðun í febrúar árið 2016. Hann hvetur karlmenn til þess að fara reglulega í skoðun.
Þetta var ekki fyrsta krabbameinsbarátta Stewarts en hann var greindur með krabbamein í skjaldkirtli árið 2000 og gekkst undir aðgerð í kjölfarið.