Stjörnur sem hafa hagað sér illa í höllinni

Eiginmaður Olivia Colman stal klósettpappír í höllinni.
Eiginmaður Olivia Colman stal klósettpappír í höllinni. AFP

Leikkonan Olivia Colman viðurkenndi í viðtali nýlega að eiginmaður hennar hefði nappað klósettrúllu á klósetti í Buckingham þegar þau voru þar á góðgerðarsamkomu. Colman fer með hlutverk Elísabetar Englandsdrottningar í Netflix-þáttunum The Crown. 

Játning hennar hefur vakið nokkra athygli en Colman sagði að eiginmaður hennar hefði gert þetta bara til að geta sagst hafa fengið rúlluna í höllinni. Konungshöllin hefur ekki viljað gefa út tilkynningu um málið en talskona fyrir höllina hefur sagt í viðtali að höllin fái 50 þúsund gesti á ári og að ef allir gestirnir stælu einhverju væri ekki mikið eftir. 

Fleiri hafa látið greipar sópa í höllinni í gegnum tíðina, eða framið einhver prakkarastrikin. 

Spice Girls-stjarnan Emma Bunton viðurkenndi í viðtali að hún hefði stolið kvennaklósettsmerki þegar henni var boðið í höllina til þess að syngja fyrir drottninguna. Stuldurinn átti sér stað árið 2002. 

Fjölmiðlamaðurinn Piers Morgan hefur viðurkennt að hann er síbrotamaður á klósettum hallarinnar. Hann hefur greint frá því að hann steli reglulega klósettpappírsrúllum þar. Hann á nú orðið gott safn af rúllum sem hann hefur stolið heima hjá frægu fólki. Hann segir þó að hann hafi ekki þorað að stela rúllu úr Hvíta húsinu þegar Barack Obama var forseti.

Bítillinn John Lennon sagði eitt sinn í viðtali að hann ásamt liðsmönnum Bítlanna hafi reykt maríjúana inni á klósetti þegar þeir voru staddir í boði þar. George Harrison sagði síðar að það hafi nú ekki alveg verið þannig, heldur hafi þeir aðeins reykt venjulegar sígarettur á klósetti hallarinnar. 

Tónlistarmaðurinn Robbie Williams var eitt sinn spurður hvort hann hefði kastað upp á klósetti hallarinnar. Hann svaraði því neitandi en að hann hafi hins vegar reykt maríjúana þar. 

Leikarinn Stephen Fry sagði í ævisögu sinni More Fool Me að hann hefði tekið kókaín á klósetti Buckinghamhallar. Það eru reyndar ekki einu staðirnir sem hann hefur neytt fíkniefna á en hann viðurkenndi að hafa neytt þeirra í bæði efri og neðri þingdeild breska þingsins og í húsakynnum breska ríkisútvarpsins, BBC. 

Stephen Fry neytti fíkniefna í höllinni.
Stephen Fry neytti fíkniefna í höllinni. BEN STANSALL
mbl.is

Stjörnuspá »

Hrútur

Sign icon Settu þér það takmark að vera öðrum góð fyrirmynd. Það eru mikil veisluhöld fram undan, mundu að allt er best í hófi.

Stjörnuspá »

Hrútur

Sign icon Settu þér það takmark að vera öðrum góð fyrirmynd. Það eru mikil veisluhöld fram undan, mundu að allt er best í hófi.