Nappaður við kókaínkaup í París

Breski tónlistarmaðurinn Pete Doherty, sem gert hefur garðinn frægan með sveitum á borð við The Libertines og Babyshambles, hefur verið handtekinn í París fyrir að kaupa kókaín, samkvæmt frönskum yfirvöldum.

Sky News greinir frá þessu og því að söngvarinn og lagahöfundurinn, sem hefur á síðari árum helst verið þekktur fyrir óreglu í líferni sínu fremur en afrek í tónlistarbransanum, hafi verið hnepptur í varðhald eftir að lögregla stöðvaði hann við að kaupa kókaínið.

Franskir fjölmiðlar greina frá því að Doherty, sem er fertugur að aldri, hafi verið með tvö grömm á efninu á sér, en það fæst lögregla ekki til þess að staðfesta.

• Blogga um frétt