Í nýjasta þættinum af Kona er nefnd förum við yfir í Sílikondalinn og segjum frá tveimur tæknisnillingum, þeim Sheryl Sandberg og Melindu Gates.
Sheryl er framkvæmdarstjóri Facebook og hefur átt stóran þátt í því að móta samskiptamiðilinn síðasta áratuginn. Hún heldur utan um Lean In-verkefnið sem er valdeflandi tæki fyrir konur á vinnumarkaði og tekur karllægu samfélagi Sílikondalsins engum vettlingatökum.
Melinda Gates er án efa okkar blíðasti mannvinur og frumkvöðull í góðgerðarstarfi en hún notar áhrif sín og eiginsmanns síns til góðs í bágstöddum löndum. Melinda hefur meðal annars barist fyrir rétti kvenna og aðgengi þeirra að getnaðarvörnum, forvörnum um kynsjúkdóma og gegn fátækt. Melinda stofnaði stór góðgerðarsamtök sem hafa víðtæk áhrif á þá sem minna mega sína og talar hún sjálf frá stað forréttinda fyrir hönd þeirra sem engar raddir hafa.