Sonur Lamar Odom, Lamar yngri, virtist ekki sáttur við hvernig faðir hans kom fram við hann þegar körfuboltakappinn og raunveruleikastjarnan fyrrverandi greindi frá trúlofun sinni. Lamar yngri sem er fæddur árið 2002 frétti það á Instagram að faðir hans væri trúlofaður.
Í athugasemd á Instagram sem nú hefur verið eytt að því er fram kemur á vef Page Six sagði sonur hans frá því að fjölskylda og vinir Odom væru ekki sáttir við nýju konuna. Hún hefði náð að fara illa með hann á aðeins fjórum mánuðum. „Skömm að fjölskyldan þurfi að frétta af þessu á samfélagsmiðlum en þannig hefur lífið alltaf verið sem sonur Odom,“ skrifaði Lamar yngri.
Odom birti aðra og yfirvegaðri færslu næsta dag þar sem hann hann sagðist hafa hlaupið á sig. Hann sagði hafa verið erfitt að sjá á samfélagsmiðlum að faðir hans hefði trúlofað sig. „Þegar allt kemur til alls er ég unglingur sem er að verða fullorðinn maður. Ég verð ábyrgur fyrir því sem ég birti. Ég hef ekkert nema ást til föður míns og vil það besta fyrir hann.“
Odom varð heimsfrægur fyrir hjónaband sitt og Khloé Kardashian. Odom, sem hefur glímt við margvíslegan fíknivanda, var kvæntur Kardashian í tæp sjö ár, frá 2009 til 2016. Hjónaband þeirra var ekki dans á rósum og segist Odom sjá eftir hvernig hann hagaði sér á meðan þau voru gift. Khloé sótti tvisvar um skilnað meðan á hjónabandi þeirra stóð. Hún stóð þó þétt við bakið á honum eftir að hann lenti á spítala eftir að hafa tekið of stóran skammt af lyfjum árið 2015.
View this post on InstagramA post shared by Lamar Morales-odom (@lamar.morales.odom) on Nov 12, 2019 at 5:50am PST