Starfsfólk vaxmyndasafnsins Madame Tussauds í London tvínónar ekkert við hlutina. Vaxmyndastytturnar af Harry Bretaprinsi og Meghan hertogaynju af Sussex voru færðar til á safninu í gær.
Stytturnar af Harry og Meghan stóðu ásamt drottningunni, Filippusi, Vilhjálmi og Katrínu, en ekki lengur. Á þriðjudag sendu þau frá sér tilkynningu þess efnis að þau hafi ákveðið að draga sig í hlé frá opinberum störfum konungsfjölskyldunnar.
Fréttirnar komu mörgum að óvörum og hefur verið fjallað um fátt annað í breskum fjölmiðlum síðan á þriðjudagskvöld.
Ákvörðun hjónanna hefur einnig verið líkt við stærsta hneykslismál konungsfjölskyldunnar síðustu öldina þegar Játvarður VIII afsalaði sér krúnunni árið 1936 eftir aðeins 326 daga sem konungur til að hann gæti kvænst bandarísku konunni Wallis Simpson.
View this post on InstagramA post shared by Madame Tussauds London (@madametussauds) on May 6, 2019 at 6:49am PDT