Gwyneth Paltrow var ekki kalt þegar hún mætti á frumsýningu á þættinum sínum The Goop Lab í Los Angeles á þriðjudaginn. Magavöðvar Paltrow voru myndaðir í bak og fyrir enda bauð klæðaburðurinn ekki upp á annað.
Hin 47 ára gamla Paltrow mætti í ljósum toppi sem minnti einna helst á brjóstahaldara. Við toppinn var hún í háum ljósum buxum í stíl. Paltrow er dugleg að sýna línurnar þessa dagana og mætti til að mynda í svo gegnsæjum kjól frá Fendi á Golden Globe-verðlaunahátíðina fyrr í mánuðnum að vel sást í efnislítil nærföt hennar.
The Goop Lab eru heimildaþættir sem sýndir eru á Netflix. Fjalla þættirnir um ýmislegt tengt heilsu líkt og fyriræki Paltrow, Goop. Áhugi Paltrow á píkunni fór ekki fram hjá neinum en sjá mátti óð til píkunnar á rauða dreglinum í formi blómaskreytingar.