Lopez og Paltrow verst klæddu stjörnurnar

Mikið var um dýrðir þegar Golden Globe-verðlaunin voru afhent í nótt. Stjörnurnar mættu á rauða dregilinn í sínu fínasta pússi en ekki voru þó allir kjólarnir sem hittu í mark. Óvenjumargar stjörnur tóku áhættu í fatavali. Jennifer Lopez og Gwyeneth Paltrow mættu í umdeildum kjólum.  

Leik- og söngkonan Jennifer Lopez þótti líta út eins og jólapakki sem gleymdist að opna um jólin. Kjóllinn með stóru slaufunni er frá Valentino og var alls ekki allra. 

Leikkonan Gwyneth Paltrow mætti næstum því á nærfötunum til leiks. Paltrow var í ljósbrúnum kjól frá Fendi en kjóllinn var svo gegnsær að vel sást í efnislítil nærföt hennar. 

Það voru þó ekki bara Lopez og Paltrow sem mættu í umdeildum fatnaði eins og sjá má hér að neðan.