Schlesinger lést af völdum kórónuveirunnar
Setja bókamerki
Söngvarinn og lagahöfundurinn Adam Schlesinger, sem er þekktastur fyrir að hafa spilað með bandarísku rokkhljómsveitinni Fountains Of Wayne, er látinn 52 ára gamall eftir að hafa smitast af kórónuveirunni.
Hann lést í gærmorgun, að því er The Guardian greinir frá.
Í yfirlýsingu frá fjölskyldu hans á þriðjudaginn kom fram að hann væri á sjúkrahúsi í New York að berjast við COVID-19, sjúkdóminn sem kórónuveiran veldur.
„Ég þekkti hann best sem læriföður og vin. Við verðum að taka þetta alvarlega. Fólk er að veikjast og deyja. Það er erfitt að halda sig innandyra en þannig bjargast líf. Passið hvert upp á annað. Hvíldu í friði vinur minn,“ tísti Chris Carrabba úr hljómsveitinni Dashboard Confessional á Twitter.
Lagahöfundurinn þekkti Diane Warren skrifaði: „Hvíldu í friði Adam Schlesinger. Ástarkveðjur og bænir til fjölskyldu hans. Takk fyrir lögin.“
Vann Grammy- og Emmy-verðlaunin
Schlesinger var þekktastur sem bassaleikari og annar af lagahöfundum í Fountains Of Wayne sem gaf út vinsæl lög á borð við Stacy´s Mom og Hey Julie. Á ferli sínum var Schlesinger einnig tilnefndur til Óskarsverðlaunanna, Golden Globe, Tony, Grammy og Emmy og vann hann tvenn síðastnefndu verðlaunin. Hann var tilnefndur til Óskarsins árið 1997 fyrir titillag myndarinnar That Thing You Do! sem Tom Hanks leikstýrði.
Hefði ekki lagst gegn samþykkt sáttmálans
„Staðan er grafalvarleg“
„Við erum ekki hafin yfir gagnrýni“
Tengsl við undirheima ekki hluti af rannsókninni
Velferð ekki gefin
Quang Le: „Ég gerði ekkert rangt“
Konur álitnar annars flokks borgarar