Hættu að grenja, það er ég sem er að drepast ekki þú
Setja bókamerki
Jarðarförin mín verður frumsýnd í Sjónvarpi Símans Premium 8. apríl næstkomandi og kemur öll serían inn í einu. Fyrsti þáttur verður sýndur í opinni dagskrá í Sjónvarpi Símans á páskadag. Þórhallur Sigurðsson, eða Laddi eins og hann er yfirleitt kallaður, leikur dauðvona mann sem heitir Benedikt Björnsson.
Hér má sjá brot úr þættinum þar sem Benedikt ræðir við vin sinn:
„Þú verður að afpanta ferðina okkar til Spánar í vetur, ég kemst ekki,“ segir Benedikt alvarlegur á svip.
„Hvað meinarðu? Kemstu ekki?“
„Því miður.“
„Hvað, ertu að grínast? Við höfum farið í þessa ferð á sama völl 10 ár í röð. Hvað, ertu dauðvona?“
„Það er nú akkúrat málið.“
Jarðarförin mín er ljúfsár en alvörugefin þáttaröð með Þórhalli Sigurðssyni í aðalhlutverki. Hún fjallar um mann sem greinist með ólæknandi heilaæxli sama dag og hann kemst á eftirlaun. Hann hefur eytt síðustu áratugunum í tilgangslausa rútínu, fjarlægst fjölskyldu sína og ekki lifað lífinu sem skyldi. Nú eru tvær vikur áður en hann fer í skurðaðgerð sem mun að öllum líkindum draga hann til dauða.
Hann ákveður að bæta upp fyrir tapaðan tíma með því að halda sína eigin gala-jarðarför og vera sjálfur viðstaddur. Það er samt ekki eins einfalt og það hljómar. Fyrrverandi eiginkonan, einkasonurinn og tengdadóttirin hafa lítinn skilning á þessum áformum, hvað þá barnabarnið sem dýrkar afa sinn og getur ekki hugsað sér að missa hann. Svo flækist málið enn frekar þegar ástin blómstrar á ný milli hans og fyrrverandi kærustu en hún er einmitt presturinn sem á að jarðsyngja hann.
Handritshöfundar eru Kristófer Dignus, Hekla Elísabet Aðalsteinsdóttir, Sólmundur Hólm, Baldvin Zophoníasson, Ragnar Eyþórsson og Jón Gunnar Geirdal.
Væri að ljúga ef ég segðist ekki stressaður
Hvorki sést áður hér á landi né annars staðar
Strand skemmtiferðaskips kallar á erlenda aðstoð
„Umsátursástand“
Krefjast stöðvunar framkvæmda
Shakespeare fannst í skókassa
Sex hafa greinst með listeríu