Í brúðkaupi Eugenie prinsessu á Zara Tindall, dóttir Önnu prinsessu, að hafa sagt við Harry prins: „Hér er mjög hljóðlátt miðað við öskrin í ykkar brúðkaupi.“ Þetta kemur fram í greiningu á varalestri sem breski fjölmiðillinn Mirror lét gera á dögunum.

Var Tindall að vísa til brúðkaups Harrys og Meghan sem fór fram í sömu kirkju aðeins nokkrum mánuðum fyrr. Athygli vakti að þrátt fyrir að Harry sé ofar í kóngaröðinni voru fleiri gestir í brúðkaupi Eugenie prinsessu. Andrés prins sagði að það væri vegna þess að hún ætti svo marga vini. Þá er sagt að það hafi valdið Eugenie og Söruh Ferguson miklu uppnámi að Meghan skyldi tilkynna fjölskyldunni óléttu sína í brúðkaupi Eugenie og þar með stela athyglinni frá brúðinni. 

Mikil umræða hefur verið undanfarið um vanlíðan Harrys og Meghan innan konungsfjölskyldunnar sem varð til þess að þau sögðu sig frá öllum konunglegum störfum. Út er komin bók sem varpar ljósi á kringumstæðurnar og eru meðlimir konungsfjölskyldunnar sagðir hafa tekið misvel á móti Meghan. Má því draga þá ályktun að þessi ummæli Tindall renni stoðum undir þær sögusagnir.

Frétt af mbl.is

Segjast ekki hafa rætt við höfundana

Það var mikið fjölmenni í brúðkaupi Eugenie prinsessu. AFP

Zöru fannst full mikil læti í brúðkaupi Harry og Meghan. AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt