Jóakim Danaprins, yngri sonur Margrétar II drottningar, hefur verið útskrifaður af sjúkrahúsi eftir að hafa gengist undir heilaskurðaðgerð vegna blóðtappa.
Þetta kemur fram í tilkynningu frá dönsku konungshöllinni.
Jóakim, sem er 51 árs, gekkst undir aðgerðina á háskólasjúkrahúsinu í Toulouse í suðurhluta Frakklands eftir að hafa veikst í fríi með fjölskyldu sinni í höllinni Cayx sem er í eigu konungsfjölskyldunnar.
Jóakim var útskrifaður í dag og mun hann hvílast á næstunni í Cayx.