Fjórar eingöngu í Bíó Paradís

Frances McDormand í Nomadland sem sýnd verður í Bíó Paradís.
Frances McDormand í Nomadland sem sýnd verður í Bíó Paradís. mbl.is

Alþjóðleg kvikmyndahátíð í Reykjavík, RIFF,  hófst 24. september og verða nokkrar af helstu myndum hátíðarinnar sýndar í Bíó Paradís sem opnað var fyrir helgi. Fjórar af myndum hátíðarinnar verða svo eingöngu sýndar þar. Nokkrar íslenskar heimildar- og stuttmyndir verða frumsýndar á hátíðinni og verður hver mynd aðeins sýnd einu sinni, að því er fram kemur í tilkynningu. 

Meðal meðal þeirra erlendu kvikmynda sem sýndar verða í kvikmyndahúsinu er Nomadland, þ.e. Hirðingjaland, eftir kínverska leikstjórans Chloe Zhao sem nýverið hlaut aðalverðlaun kvikmyndahátíðarinnar í Feneyjum en hún verður sýnd í kvöld. Einnig má nefna 200 metra, kvikmynd leikstjórans Ameen Nayfeh sem þegar hefur verið tilnefnd til verðlauna og hlotið mikið lof. 

Íslenskar heimildarmyndir sem frumsýndar verða í Bíó Paradís eru Hatrið, Sirkusstjórinn, Húsmæðraskólinn og Á móti straumnum og fyrrnefndar fjórar myndir sem aðeins verða sýndar í Bíó Paradís eru Druk eftir leikstjórann Thomas Vinterberg, Notturno eftir Gianfranco Rosi, Wildland eftir Jeanette Nordahl og Peninsula eftir Yeon Sang-ho. 

Í tilkynningu frá RIFF kemur fram að aðeins verði ein sýning á hverri mynd og að sætaframbð verði takmarkað og sóttvörnum fylgt. Frekari upplýsingar um myndirnar má fá á vef hátíðarinnar, riff.is. 

mbl.is

Stjörnuspá »

Hrútur

Sign icon Tilboðin berast til þín úr öllum áttum svo þú ert í mestu vandræðum með að ákveða hverjum þú átt að taka og hverjum ekki. Gott væri að gefa sér tíma til íhugunar.

Stjörnuspá »

Hrútur

Sign icon Tilboðin berast til þín úr öllum áttum svo þú ert í mestu vandræðum með að ákveða hverjum þú átt að taka og hverjum ekki. Gott væri að gefa sér tíma til íhugunar.