Tónlistarkonan Klara Ósk Elíasdóttir, eða Klara Elias, söng bakraddir í nýútkomu lagi Britney Spears. Spears gaf út lagið Swimming In The Stars á afmælisdaginn sinn 2. desember. Í kjölfarið greindi Klara frá því á Instagram að hún söng bakraddraddir.
„Hlustið og þið heyrið mig syngja bakraddir fyrir drottningu poppsins,“ skrifaði Klara í sögu á Instagram. „Fjórtán ára ég er að fríka út.“
Síðustu ár hefur Klara sem oft var kennd við stúlknasveitina Nylon haslað sér völl í Los Angeles. Í nóvember gaf Klara út sína aðra smáskífu, Champagne, af væntanlegri plötu sem kemur út á næsta ári.
„Ég hef allan tímann verið að fást við tónlist og núna síðustu ár nær eingöngu að semja fyrir annað tónlistarfólk, plötufyrirtæki og sjónvarpsþætti vestanhafs,“ sagði Klara í viðtali við Smartland í október.
Hér fyrir neðan má hlusta á lag Spears.