Lifandis fegin að vera ekki frægari

Hin breska Olivia Williams er ekki frægasta leikkonan í bransanum – og er afskaplega þakklát fyrir það. Williams, sem m.a. lék í Sixth Sense og An Education, kveðst í samtali við The Guardian hafa staðið nógu nálægt frægðinni til að skynja hversu hræðileg hún sé.

Þannig var hún einu sinni við tökur í Róm ásamt Antonio Banderas og langaði að heimsækja gallerí með honum. Það sagði spænski leikarinn á hinn bóginn útilokað mál. Þess í stað snæddu þau hádegisverð alein á veitingastað. Að því loknu var Banderas fylgt á brott vafinn inn í teppi.

„Hversu ömurlegt er það?“ spyr Williams.