Karítas Ríkharðsdóttir
Skorað var á Gísla Martein Baldursson á samfélagsmiðlinum Twitter úr ýmsum áttum, um að nefna ástandið á Gaza-svæðinu og meðferð Ísraela á Palestínumönnum, áður en komið var að atriði Ísraels í Eurovision í kvöld.
Gísli svaraði fyrr í dag þessum áskorunum með þeim hætti að kynningar hans á lögunum væru ekki pólitískir pistlar, heldur ættu fyrst og fremst að vera upplýsandi og skemmtilegar.
„En þær eru auðvitað ekki ónæmar fyrir því sem er að gerast í heiminum,“ bætti hann við.
Úr varð svo að Gísli skaut nokkuð fast á Ísraelsmenn í kynningu sinni þar sem hann lét eftirfarandi orð falla:
„Öfugt við það sem margir vafalaust telja fjallar lagið „Set me free“ ekki um þá Palestínumenn sem eru fangar í eigin landi í landtökubyggð Ísraela heldur er þetta klassískt ástarlag. Við fáum hér eldvörpur og sprengjur en með áberandi minni hætti en áður hjá Ísraelsmönnum; hugsanlega eru þeir uppteknir við að beina sprengjunum í aðrar áttir þessa dagana.“
Hér að neðan má sjá brot af umræðunni á Twitter áður en keppnin hófst:
Kynningarnar mínar eru ekki pólitískir pistlar, heldur eiga fyrst og fremst að vera upplýsandi og skemmtilegar. En þær eru auðvitað ekki ónæmar fyrir því sem er að gerast í heiminum. En ég ítreka að ég skil hvatninguna og kann að meta ákafann.
— Gísli Marteinn (@gislimarteinn) May 18, 2021
Hér má svo heyra kynningu Gísla Marteins:
Ég elska þig Gísli Marteinn https://t.co/q15NpQHSvD pic.twitter.com/Ul9BoaqPNk
— Jón Bjarni🇵🇸 (@jonbjarni14) May 18, 2021
Nokkur fjöldi fólks fagnaði þessu framtaki í kjölfarið:
Gísli vissi ekki að þú hafðir þetta í þér👏🏼👏🏼 #búmm #sprengurfalla #12stig
— Ingibjörg (@ingibjorgol16) May 18, 2021
Gísli að skjóta fást á rétta staði. Takk! #12stig
— Hildur Helgadóttir (@grildur) May 18, 2021
Gísli Marteinn kom ekki til Rotterdam til að leika sér, ánægð með þessa kynningu á Ísrael #12stig
— BryndisLilja (@LiljaBryndis) May 18, 2021
Gísli er ON FIRE og ég fýla það #12stig
— Eliinros (@Eliinros) May 18, 2021
Misjafnar skoðanir voru svo um lagið sjálft:
Engin bomba frá Ísrael. Ágætt til tilbreytingar. #12stig
— Bragi Valdimar (@BragiValdimar) May 18, 2021