Milljarðamæringurinn Bill Gates ber enn giftingarhringinn þrátt fyrir að þau Melinda Gates standi nú í skilnaði. Gates kom fram á rafrænum fundi viðskiptaráðs bandaríska þingsins. Var þetta í fyrsta skipti sem Gates kemur fram síðan þau tilkynntu um skilnaðinn 3. maí síðastliðinn.
Þegar Gates talaði í mynd á fundinum mátti sjá glitta í giftingarhringinn á vinstri hönd hans.
Eftir að Gates-hjónin tilkynntu um skilnað sinn hefur fjöldi frétta komið upp á yfirborðið um meint framhjáhald Bills, vinskap hans við kynferðisbrotamanninn Jeffrey Epstein auk fregna af árlegu ferðalagi Bills með fyrrverandi kærustu sinni.
Lögunum samkvæmt er Bill þó enn kvæntur Melindu og því kannski ekki óeðlilegt að hann beri hringinn enn.