Tónlistarkonan Rihanna er komin á lista Forbes yfir milljarðamæringa heimsins. Auðæfi tónlistarkonunnar eru metin á 1,7 milljarða bandaríkjadala og er hún þar með auðugasta tónlistarkona heims.
Rihanna er einnig næstríkasta kona í skemmtanaiðnaðinum á eftir fjölmiðlakonunni Opruh Winfrey.
Rihanna er flokkuð á meðal tónlistarfólks þrátt fyrir að hafa ekki gefið út tónlist í nokkur ár og hefur hún hagnast einna helst á snyrtivörufyrirtæki sínu Fenty Beauty. Hún sjálf á 50% hlut í fyrirtækinu og LVMH á 50% á móti henni. Fyrirtæki hennar Savage x Fenty, sem framleiðir nærföt, er metið á 270 milljónir.