Sigga Kling hefur komið víða við og hún rifjar hér upp þegar hún var fengin til að koma fram í gleðskap þar sem Karl Gústaf konungur Svía var einn helsti gesturinn. Hann kom vel fyrir að sögn Siggu en var í félagsskap með óþekkum strákum eins og Sigga orðar það.
Sigríður er viðmælandi Berglindar Guðmundsdóttur í Dagmálum í dag.
Hún er uppalin á Snæfellsnesi og staðhæfir að orka Snæfellsjökuls hafi átt mikinn þátt í andlegum hæfileikum sínum. Hún er einstaklega lifandi og litríkur karakter, og trúir hún því að með jákvæðu hugarfari sé fólki allir vegir færir.
Í viðtalinu ræðir hún við Berglindi um fjölskylduna, af hverju hún valdi að breyta nafni sínu, rangfeðrun og margt fleira.
Þátturinn í heild sinni er aðgengilegur áskrifendum Morgunblaðsins hér en einnig er hægt að sjá hann og aðra Dagmálsþætti með vikupassa.