Jólasýning Listvals var opnuð í nýju sýningarrými fyrirtækisins á jarðhæð Hörpu um liðna helgi. Þar eru sýnd og til sölu verk eftir um 70 myndlistarmenn í fremstu röð.
Jólasýning Listvals var opnuð í nýju sýningarrými fyrirtækisins á jarðhæð Hörpu um liðna helgi. Þar eru sýnd og til sölu verk eftir um 70 myndlistarmenn í fremstu röð. Listval hefur um skeið verið með sýningar á verkum fjölmargra samtímalistamanna á Hólmaslóð og verður sá salur áfram opinn en Listval sérhæfir sig í myndlistarráðgjöf fyrir heimili, fyrirtæki og stofnanir. Jólasýningin verður opin fram á Þorláksmessu en ætlunin er að skapa í rýminu í Hörpu „fallega og fágaða umgjörð í formi myndlistarsýninga og gallerís“.