Ekki til siðs að múta lögreglumönnum

Húmorinn er allsráðandi í fjórðu seríu af Venjulegu fólki sem sýnt er í Sjónvarpi Símans Premium. Grímdramaþættirnir fjalla um Völu og Júlí­önnu sem hafa verið vin­kon­ur frá því í mennta­skóla. Fyrstu þrjár þáttaraðirnar nutu gríðarlegra vinsælda í Sjónvarpi Símans Premium þar sem þær slógu hvert áhorfsmetið á eftir öðru og nú er von á fjórðu þáttaröðinni, aðdáendum þáttanna eflaust til mikillar gleði.

„Það er einstaklega ánægjulegt að sjá Venjulegt fólk slá íslandsmet. Aldrei áður hefur leikin þáttaröð farið í fjórar þáttaraðir, þrjár þáttaraðir var það mesta til þessa. Í ofanálag er byrjað að skrifa fimmtu þáttaröðina af Venjulegu fólki og þá er í skoðun að gera sérstaka jólaþætti af Venjulegu fólki eins og tíðkast oft erlendis. Það er því margt í gangi hjá þessum góða hópi listafólks sem kemur að þáttunum.“ segir Pálmi Guðmundsson, sjónvarpsstjóri Símans.

Í fjórðu þáttaröðinni sjáum við hvernig eilífðarunglingurinn Vala finnur sig skyndilega með ungabarn á arminum og hring á fingri meðan Júlíana þarf að aðlaga lífið að nýjum veruleika hjá þeim Tomma í kjölfar gjaldþrots. Eins og áður taka þættirnir fyrir venjulega hluti úr daglegu lífi, þannig eiga áhorfendur auðvelt með að setja sig í spor sögupersónanna og hlæja og gráta með þeim í gegnum oft furðulegar leiðir þeirra til að leysa málin

Glassriver framleiðir þættina fyrir Símann og með aðalhlutverk fara Vala Kristín Eiríksdóttir, Júlíana Sara Gunnarsdóttir, Hilmar Guðjónsson og Arnmundur Ernst Backman. Vala og Júlíana eru handritshöfundar ásamt Dóra DNA og Fannari Sveinssyni en Fannar leikstýrir einnig þáttunum eins og fyrri þáttaröðum.

Í síðustu þáttaröð bættust við leikarahópinn þau Halldóra Geirharðsdóttir sem móðir Völu og Pétur Jóhann Sigfússon sem bróðir Tomma, þau slógu í gegn og það verður gaman að sjá hvernig persónur þeirra þróast enn frekar í þessari þáttaröð. 

Öll þáttaröðin af Venjulegu fólki 4 kemur í Sjónvarp Símans Premium fimmtudaginn 27. janúar. 

mbl.is

Stjörnuspá »

Hrútur

Sign icon Láttu þér ekki til hugar koma að grasið sé grænna handan hornsins. Fylgdu sannfæringu þinni fyrst og fremst og allt fellur í ljúfa löð.

Stjörnuspá »

Hrútur

Sign icon Láttu þér ekki til hugar koma að grasið sé grænna handan hornsins. Fylgdu sannfæringu þinni fyrst og fremst og allt fellur í ljúfa löð.