Verðlaun fyrir leik í Hjartasteini og Berdreymi

Leikarinn Blær Hinriksson hlaut í gær verðlaun á Sarajevo kvikmyndahátíðinni fyrir leik sinn í kvikmyndunum Hjartasteini og Berdreymi. Frá þessu greindi faðir hans í færslu á Facebook.

„Hér á kvikmyndahátíðinni Sarajevo hefur fólk tjáð sig á mjög svo áhrifaríkan hátt um þessi verk. Mariano Biasin leikstjóri sagði í hátíðarræðu að Hjartasteinn hafi haft svo víðtæk áhrif á sig að nýjasta mynd hans sé endurkast af henni. Auðvitað erum við stolt af syni okkar og íslenskri kvikmyndagerð,“ skrifar Hinrik Ólafsson, faðir Blæs, á Facebook.

Frétt af mbl.is

Hjartasteinn vinnur EUFA-verðlaunin

Frétt af mbl.is

Ofbeldi og slæmar aðstæður

Guðmundur Arnar Guðmundsson leikstýrði báðum myndunum sem Blær lék í. Í samtali við mbl.is segir hann að verkunum hafi gengið afar vel á kvikmyndahátíðum og hafa þær m.a. unnið til verðlauna í Þýskalandi, Póllandi, Mexíkó, Rúmeníu, Slóveníu og Ítalíu.

Þá hrósar hann Blæ og segir hlutverk hans í myndunum hafa verið afar ólík.

Frétt af mbl.is

Enn ein rós í hnappagat Hjartasteins

• Blogga um frétt