Spurningaþátturinn Ertu viss? fer í loftið í kvöld

Systurnar Eva Ruza og Tinna eru stjórnendur spurningaþáttarins Ertu viss?
Systurnar Eva Ruza og Tinna eru stjórnendur spurningaþáttarins Ertu viss? mbl.is/Hákon Pálsson

Gáfnaljósum á öllum aldri gefst nú kostur á að spreyta sig á vel völdum spurningum heiman úr stofu þegar fyrsti þáttur af Ertu viss? verður sýndur í beinni útsendingu í kvöld, fimmtudagskvöld. Þátturinn hefst á slaginu kl. 19.00 hér á mbl.is og er þátttaka ókeypis.

Um er að ræða nýjan skemmti- og spurningaþátt úr smiðju Árvakurs í framleiðslu Studio M sem systurnar og skemmtikraftarnir Eva Ruza og Tinna Miljevic stýra öll fimmtudagskvöld í vetur.

Systurnar eru samrýmdar og vega hvor aðra upp.
Systurnar eru samrýmdar og vega hvor aðra upp. mbl.is/Ágúst Óliver

„Mér líður bara eins og ég sé að fara í ferðalag með Evu þannig ég er rosalega róleg,“ segir Tinna aðspurð um spennustigið. Tinna er heldur betur að stíga út fyrir sinn þægindaramma en þetta verður í fyrsta sinn sem hún verður fyrir framan sjónvarps- og myndavélar fyrir framan alþjóð.

„Ég er búin að vera að æfa mig mjög mikið og hef verið að spjalla svolítið við spegilinn undanfarið,“ segir Tinna og hlær. „Þegar ég stend við hliðina á Evu þá dett ég ósjálfrátt í gírinn með henni svo þetta getur ekki klikkað. Við nærumst á hvor annarri,“ segir Tinna með mikilli tilhlökkun fyrir kvöldinu. 

Geggjaðir vinningar fyrir snögg gáfnaljós

Samstarfsaðilar þáttarins sjá til þess að sigurvegurum verða veittir veglegir vinningar, svo sem raftæki og gjafabréf, en tíu efstu þátttakendur fá vinning ásamt einum aðalvinningshafa kvöldsins.

Þátttaka er einföld en þátttakendur þurfa á skrá sig til leiks á vefslóðinni mbl.is/ertuviss og fylgjast með beinu streymi á þættinum þaðan eða á rás 9 hjá Sjónvarpi Símans. Fyrir bestu mögulegu upplifun er mælt með að þátttakendur horfi á útsendinguna í einu viðtæki en spili með í öðru.

Spilaðar verða fimm lotur í hverjum þætti þar sem hver lota inniheldur fimm spurningar sem háðar eru ákveðnu þema; menningu og listum, dægurmálum, tónlist, íþróttum eða fréttum líðandi stundar. Spilað er upp á hvaða þátttakandi er sneggstur að svara rétt.

Vertu viss um að vera viss og taktu þátt! Nánari upplýsingar má finna með því að smella hér.

Eva Ruza og Tinna Miljevic lofa miklu stuði í vetur.
Eva Ruza og Tinna Miljevic lofa miklu stuði í vetur. mbl.is/Ágúst Óliver
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Stjörnuspá »

Hrútur

Sign icon Passaðu hverjum þú deilir leyndarmálunum með. Veldu orð þín af kostgæfni í dag því hætta er á að upp komi misskilningur.
síðasta vika Vinsælustu hljóðbækurnar
1
Skúli Sigurðsson
2
Stefan Mani
3
Laila Brenden
5
Anna Sundbeck Klav

Stjörnuspá »

Hrútur

Sign icon Passaðu hverjum þú deilir leyndarmálunum með. Veldu orð þín af kostgæfni í dag því hætta er á að upp komi misskilningur.
síðasta vika Vinsælustu hljóðbækurnar
1
Skúli Sigurðsson
2
Stefan Mani
3
Laila Brenden
5
Anna Sundbeck Klav